اسلام آباد۔6مارچ(اے پی پی):صدر مملکت ڈاکٹر عارف علوی آکھیے جو پاکستان دوست ملکاں نال تجارتی و معاشی تعاون ودھاوݨ چاہندے۔ او اسلام آباد اچ پرتگال اتے میانمار کیتے پاکستان دے نامزد سفیراں نال ملݨ ویلھے الیندے پئے ہن۔
پرتگال کیتے نامزد پاکستانی سفیر ڈاکٹر محمد خالد اعجاز اتے میانمار کیتے نامزد پاکستانی سفیر عمران حیدر صدر مملکت نال ملین۔ انہاں پاکستان اتے سنڳتی ملکاں وچال، تجارت، سرمایہ کاری اتے باہمی دلچسپی دے شعبیاں اچ تعاون سانڳے کردار ادا کرݨ تے زور ݙتے۔ انہاں نامزد سفیراں دی کامیابی کیتے نیک خواہشات پچائن۔