اسلام آباد۔21جون (اے پی پی):وزیر مملکت اطلاعات و نشریات فرخ حبیب آکھیے جو بلاول صاحب، وفاق سندھ حکومت کوں ہݨ تئیں این ایف سی دی مد اچ 1900 ارب روپے ݙے چکیے، ݙساؤ پیسہ کتھاں خرچ تھئے ؟ تساں سندھ حکومت دی غفلت اتے لاپرواہی تے سندھ دی عوام توں کݙاں معافی منگدے پیو ؟سندھ دے عوام پیپلز پارٹی کوں جیڑھا مینڈیٹ ݙتے او پورا کرݨ اچ ناکام تھی چکی اے، سندھ اچ کرپشن دے نال صلاحیت دا وی فقدان اے، 59 فیصد ترقیاتی بجٹ استعمال نہ تھی سڳیا ،صوبائی حکومت ہدف دے مطابق 53 فیصد محصولات وی جمع نی کرسڳی تے ایندے بعد وی حکومت کرݨ دا کوئی جواز بچدے ؟ پیپلز پارٹی دا انتخابی نشان کرپشن ہووݨا چاہیدے کیوں جو او ایندے علاوہ کجھ کرݨ دے قابل ہی کائنی ۔سنوار کوں بلاول زرداری دے بیان تے ردعمل اتے آپݨے ٹویٹ اچ وزیر مملکت فرخ حبیب آکھیے جو بلاول ہمت کرے اتے سندھ دی عوام کوں ݙساوے وفاقی حکومت ولوں این ایف سی دی مد اچ سندھ حکومت کوں جاری تھیوݨ آلا 1900 ارب روپیہ کتھاں خرچ کیتے ؟ پیپلز پارٹی دی سندھ حکومت نااہلی دا عالم ہی اے جو ایں سال دے ترقیاتی بجٹ دا تقریباً 60 فیصد حالی تئیں خرچ نی کرسڳیے ،انہاں آکھیے جو بلاول صاحب، پیپلز پارٹی تاں کرپشن اچ ماہر ہئی لیکن سندھ دے چوہے 14 ارب دی کݨک کھا تے اڳوں نکل ڳئن اے ݙساؤ جو کݨک چوری دی تحقیقات کتھاں پڄی اے ؟
