اسلام آباد۔6اپریل(اے پی پی)وفاقی وزیر قانون و انصاف سینیٹر اعظم نذیر تارڑ آکھیے جو گھر دے سربراہ کوں اجتماعی سوچ رکھݨی چاہیدی اے، توقع اے جو سیاسی قیادت، بار کونسلز، سول سوسائٹی دے مطالبہ تے سارے آئینی معاملات لارجر بنچ کولو نڄن اتے انڄھ تھیوݨ آلے ججاں توں ڄڄ ٻیھ تے انہاں معاملیاں دا حل کݙھن۔ او اسلام آباد اچ لائرز کمپلیکس اسلام آباد بار دی افتتاحی تقریب نال خطاب کریندے پئے ہن۔ لائرز کمپلیکس دا افتتاح وزیراعظم شہباز شریف کیتا۔ وفاقی وزیر قانون و انصاف آکھیا جو وکیلاں کوں کٹھا ݙیکھ تے خوش ہاں، تحریک عدم اعتماد دے بعد پرامن انتقال اقتدار تھئے اتے ساݙا سفر اڳو تے ٹردا پئے۔ انہاں آکھیا جو وکلا برادری ہمیشہ ملک اچ آئین و قانون دی بالا دستی کیتے نا صرف کردار ادا کیتے ٻھل قربانیاں ݙتن، اڄ ویلھا اے جو وکلا اڳو تے آون اتے ملک کوں ایں سیاسی، آئینی و قانونی بحران توں کڈھݨ کیتے اپݨا کردار ادا کرن۔
