اسلام آباد 31 جولائي (اے پي پي) د جمعيت علماء اسلام مشر مولانا فضل الرحمان د فلسطيني لارښود اسماعيل هانيه په شهادت د غم دړد او افسوس څرګندونه كړې۔ د شورو په ورځ د جے يو آئي (ف) مرکزي ميډيا سيل لخوا د جاري بيان له مخې مولانا فضل الرحمن ووئيل جمعيت د اسماعيل هانيه كورنۍ او د فلسطينيانو وروڼو په غم كښې برابر شريك دے ، د ارواښاد شهادت سره به د فلسطين د آزادۍ تحريك ختم نشتي٬ د اسماعيل هانيه او د ھغه د كورنۍ قربانۍ به ضائع نه ځي۔ مولانا فضل الرحمان د شېخ اسماعيل هانيه لوړو درجو لپاره پاکستاني قام او په خاص توګه د ګرد هېواد مدرسو٬ جوماتونو او كورونو كښې د قرآن خوانۍ كولو اپيل هم وكړو۔
