اسلام آباد 21 دسمبر (اے پي پي) نګران وزیراعظم انوار الحق کاکړ وئيلي دي ځوانان د قام سباؤن دے،د ځوانانو ښېګرې ته حكومت خاص پام لرنه كوي، یوتھ پروګرام ترمخه د پور وركولو كښې دې زياتې ذمه وارۍ او احتیاط څخه كار واغستلے شي۔ د وزیراعظم آفس میډیا ونګ د اړخه جاري شوي بيان له مخې نګران وزیراعظم انوار الحق کاکړ په مشرۍ كښې د وزیراعظم یوتھ پروګرام په اړه د جاج اخستلو غونډه د زيارت په ورځ اسلام آباد كښې وشوه۔غونډې ته د وزیراعظم یوتھ پروګرام په اړه تفصیلی بریفنګ وركړے شو۔غونډې ته ووئيل شول پی ایم سکل ډویلپمنټ پروګرام ترمخه 2013 نه تر اوسه 550,000 كسانو له تربیه وركړې شوي،راروان پړاؤ كښې به 56,000 كسانو له تربیه وركولې شي ٬ په دې كښې به لويه برخه د هائی ټيك سکلز وي۔ دې نه ځانله پی اېم لیپ ټاپ سکیم ترمخه 2013 نه تر جون 2023 پنځه لكهه لیپ ټاپس ځوانانو له وركړې شوي،كال 2023 كښې يو لکهه لیپ ټاپس ځوانانو له وركړې شوي۔غوندې ته ووئيل شول پی اېم یوتھ بزنس اینډ ایګریکلچر لون سکیم ترمخه 2013-2023 ځوانانو له 100.7 بلیونه روپۍ په اسانو شرطونو بور وركړے شوے دغسې پی اېم ټیلنټ هنټ اینډ سپورټس لیګ ترمخه 83,323 ځوانانو له بیډمنټن، فټبال ، سکواش، والی بال او د لوبو نور سامان وركړے شوے۔غونډه خبر كړې شوه چې پی اېم یوتھ ډویلپمنټ پیکج 2023-24 كښې 80 بلیونه روپۍ سکیمز ل هاېښودلې شوي، په دې سکیمز كښې ایجوکیشن انډومینټ فنډ، ویمن امپاورمنټ، بزنس اینډ ایګریکلچر لون ټیوب ویل سولرائیزیشن، لیپ ټاپس سکیم ، سپورټس انډومینټ فنډ، ګرین ریولوشن ، ډیجیټل هب ون ونډو شامل دي۔د غونډې ګډون كوونكو ته نګران وزیراعظم ووئيل ځوانان د قام سباؤن دے، د ځوانانو ښېګرې ته حكومت پام لرنه كوي۔ده سپارښتنه وكړه چې یوتھ پروګرام ترمخه د قرض وركولو كښې دې ذمه وارۍ او احتیاط څخه كار واخستلے شي۔ده ووئيل د خېبر پښتونخوا نوو ضم شوو ضلعو ځوانانو لپاره پی ایم یوتھ سکیمز كښې خصوصی اهمیت او پام لرنه پكار ده ۔وزیراعظم ووئيل سکل ډویلپمنټ سکیمز په اړه داسې تګلاري ترتیب كولو ته اړتيا ده چې ورسره د مطلوبه نتيجو ترلاسه كول ممكن شي۔وزیراعظم سپارښتنه وكړه چې سکل ډویلپمنټ په اړه ماسټر ټرینرز لپاره دې هم تربیتی پروګرامز پيل كړے شي دغسې چې د هغوې صلاحیت زيات شي او نورو وګړو ته معیاری تربیه وركړي۔په غونډه كښې د وزیراعظم د سېلګرۍ او ځوانانو چارو خاص مرستيال سید وصي شاہ او اړوندو سرکاری افسرانو ګډون كولو
