اسلام آباد 02 دسمبر (اے پي پي) صدر ډاكټر عارف علوي په انتخابي بدلون بل 2021 لاس ليك كول يو لوي اقدام ګرځولو سره ووئيل دې سره به ټكي ختمه شي او پاكستان به په جمهوري ډول قوي شي۔ صدر د دې خيالاتو څرګندونه د زيارت په ورځ ايوان صدر كښې د پارلمان څخه د منظور شوي انتخابي بدلون بل 2021 لاس ليك دستورې ته وينا كښې وكړه۔دستوره كښې وفاقي وزير سېنېټر شبلي فراز، د وزيراعظم د پارلماني چارو صلاحكار ظهير الدين بابر اعوان،د سندھ ګورنر عمران اسماعيل، وفاقي وزيرې ډاكټر شيريں مزاري، وفاقي وزير شفقت محمود، وفاقي وزير اسد عمر، وزير مملكت علي محمد خان او د پارلماني غړو پشمول د سائنس اينډ ټيكنالوجي وزارت اعليٰ افسرانو ګډون كولو۔د صدر د اړخه لاس ليك نه پس انتخابي بدلون بل 2021 قانون جوړ شو۔د دې ترمخه بهر هېوادونو كښې مېشته پاكستانيانو ته د ووټ حق وركړے شو دغسې په راروانو ټاكنو كښې به ټيكنالوجي كارولې شي۔ صدر ډاكټر عارف علوي انتخابي بدلون بل لپاره په هڅو وزيراعظم عمران خان له مباركي وركړه۔ده ووئيل په تيرو ټولو ټاكنو كښې د ټګۍ تورونه لګولې شوي ، د 2013 ټاكنو كښې بيلټ باكس او پريزائيډنګ آفيسران بې دركه كړے شوي وؤ، د انتخابي بدلون بل 2021 قانون جوړيدو نه پس به د انتخابي بے ضابطګيو او ټګي ختمولو له مرسته تر لاسه شي۔ ده ووئيل حكومت اقتدار كښې د راتللو څخه وړاندې لوظ كړے ؤ چې انتخابي عمل به سپيځلے كولې شي۔ده ووئيل خواهش لرو چې هېواد مخ په وړاندې لاړ شي، اليكټرانك ووټنګ مشين د لارې ټاكنو لپاره ټول قائل كړو او د اليكټرانك ووټنګ مشين سره به ټاكنو كښې شفافيت له مرسته تر لاسه شي٬ ده ووئېل اوس به د ووټرز بيلټ پيپر د هغه په وړاندې پرنټ كېږي۔ صدر ووئيل اليكټرانك ووټنګ مشين كيلكوليټر په شان كار كوي ، اي وي اېم سره به د ووټونو د غلا تورنه ختم شي، د دې مشين د لارې به په سمدستي توګه نتيجه رامخې ته كېږي ، ټاكنو كښې د سمندر پورې غاړه پاكستانيان هم حق لري۔ده ووئيل تير وخت كښې په څه څه ډول انتخابي ټګۍ كيدلې ، پاكستان به هغه وخت پرمختګ وكړي كله چې مونږ جدت خپل كړو۔ صدر ووئيل د سائنس او ټيكنالوجي وزارت د اليكټرانك ووټنګ مشين مينوفيكچرر نه دے ، هغوې پروټوټائپ مشين جوړ كړے ،د دې پريكړه به ټاكنو كمېشن كوي چې څه ډول مشين پكار دے ،ده ووئېل د ټاكنو كمېشن بايد ټائم لائن متعين كړي دغسې چې اي وي اېم ترلاسه كړے شي، بايد وګړي په اليكټرانك ووټنګ مشين باور وكړي۔ده ووئيل د نوې قانون سازۍ ترمخه بهر هېوادونو كښې مېشته پاكستانيان هم د انټرنيټ ووټنګ د لارې ووټ استعمالولې شي، نوې اليكټرانك ووټنګ مشين كښې د هيكنګ امكان كم دے ،كوم هم هېواد نوې څيز جوړولو سره پرمختګ كوي ، پاكستان به هغه وخت پرمختګ وكړي كله چې مونږ خپل كار كښې جدت راپيدا كړو، ده ووئېل پاكستان له د اي وي اېم سره سره انټرنيټ ووټنګ ته هم اړتيا ده۔ده هيله څرګنده كړه چې حكومت د اولس سره كوم لوظ كړے ؤ هغه به پوره كړي دغسې چې هېواد مخ په وړاندې لاړ شي۔دستورې ته وينا كښې د وزير اعظم د پارلماني چارو صلاحكار ظهير الدين بابر اعوان ووئيل نن د پاكستان د تاريخ لويه ورځ ده ، د تير وخت حكمرانانو به چغې وهلې او تش لوظونه به ئې كول ، خو اوس د 3 كاله خوارۍ او پارلمان كښې په يو كال كښې د هڅو نه پس قانون سازي شوې ۔ وزيراعظم عمران خان، وفاقي وزير شبلي فراز او نور حكومتي عهديدارو ناممكن ممكن كړے ، ده ووئېل د نوې قانون سازۍ په نتيجه كښې به بهر هېوادونو كښې مېشته پاكستانيان پريكړه كولو كښې وړومبي ځل شامل كړے شي په دې صدر ، وزيراعظم ، پارليمنټ ، د پاكستان اولس او بهر هېوادونو كښې مېشته پاكستانيانو له مباركي وركوم۔ ده ووئيل د اليكټرانك ووټنګ مشين مخالفت هغه كسان كوي كومو چې خپلو حلقو كښې كڼ شمير جعلي ووټونه جوړ كړي او هغوې د اليكټرانك ووټنګ مشين څخه يرېږي۔ ډاكټر بابر اعوان ووئيل د 2023 ټاكنې به د اليكټرانك ووټنګ مشين د لارې كېږي او د ټيكنالوجۍ د لارې به د تګۍ مخنيوے كولے شي۔
