اسلام آباد 19 دسمبر (اے پی پی) اولس مشر ډاكټر عارف علوي وئيلي دي تعليم ته وده وركول د ټولنې د ټولو طبقو ذمه واري ده٬حكومت د تعليم ودې لپاره هر ډول هڅې كوي٬ځوانان دې د خپلو صلاحيتونو څخه هېواد د پرمختګ پلو روانولو له كردار ترسره كړي دغسې چې په نړيواله ورورولۍ كښې زمونږ عظمت بحال شي۔ده دا خبره د شورو په ورځ حسن ابدال كېډټ كالج كښې كلنې دستورې ته خپل خطاب كښې وكړه۔اولس مشر په كالج كښې زده كوونكو له په وركړی شوو آسانيو او د تعليم په معيار د خوشحالۍ څرګندونې سره ووئيل په ښو ټولنو كښې د ماشومانو تعليم او تربيه زيات اهميت لري۔په تېر وخت كښې تعليم د يو مشن حېثيت لرلو۔ده په دې خبره زور راوړو چې د معياري تعليم ودې لپاره دس د ټولنې ټولې طبقې خپلې ذمه وارۍ او كردار ترسره كړي۔اولس مشر ووئيل ايمان٬اتحاد او تنظيم د يو قام په حېث زمونږ لپاره د كاميابۍ ښه اصول دي په كومو چې عمل كولو سره مونږ مخ په وړاندې تللې شو۔ده پھ خاص توګه زده كوونكو ته تاكيد وكړو چې په ټولو څانګو كښې مخ په وړاندې لاړ شي او د هېواد نامه روښانه كړي۔اولس مشر په دې خبره هم زور راوړو چې استاذان او مور او پلار دې د معياري تعليم سره سره اخلاقي تربيه تر نظره ساتلو سره ماشومانو له د زغم او افهام او تفهيم تربيه هم وركړي۔ده ووئيل په پاكستان كښې زياتره آبادي په ځوانانو مشتمله ده كومه چې د هېواد قيمتي اثاثه ده۔اولس مشر ووئيل ځوانان دې خپل صلاحيتونه په ښه ډول كارولو سره د هېواد پرمختګ كښې كردار ترسره كړي۔ده د مېرمنو په حقونو زور راوړولو سره عزم څرګند كړو چې نبي كريم(ص)مېرمنو له كوم حقونه وركړي هغه به باوري كولې شي٬په وراثت كښې مېرمنو له حقونه وركولو سره برابر وګړي جوړیدې شي۔
