لاهور 18 نومبر (اے پي پي) د تبليغي جماعت امير مولانا عبدالوهاب د رائيونډ په تبليغي مركز كښې خاورو ته وسپارل شو٬ د جنازې لموځ ئې مولانا نذرالرحمان ادا كړو٬ د جنازې په لمونځ كښې نامتو عالم دين طارق جميل ٬ د پنجاب اسمبلې سپيكر چوهدري پروېز الٰهي ٬ مولانا فضل الرحيم اشرفي٬ مولانا اسعد عبېدالله٬ مولانا مجيب الرحمان انقلابي٬ ډاكټر فريد پراچه٬ حافظ ادريس٬ سياسي٬ مذهبي شخصياتو٬ علماو مشائخ او د ديني استاذانو پشمول د ټول هېواد څخه په لويه شمېر خلقو ګډون وكړو۔ په دې موقع د ضلعي انتظاميې لخوا خاص انتظامات شوي وو۔ د مولانا عبدالوهاب عمر 96 كاله و٬ هغه د سا او سينې په تكليف اخته و۔ د ناروغې له امله ئې سږ كال په تبليغي اجتماع كښې ګډون هم ونه كړے شو۔ د مولانا عبدالوهاب په مړينه حكومتي چارواكو او شخصياتو د غمرازې څرګندونه كړې۔
