اسلام آباد 20 اګست (اے پي پي) د وزيراعظم د پارلماني چارو سلاكار ډاكټر بابر اعوان د خپل صوابديدي اختياراتو ختمولو اعلان كولو سره وئيلي دي چې كفايت شعاري به زمونږ د حكومت مركزي شعار وي٬ هيله ده چې د پارلماني چارو د وزارت ټوله عمله به د بدلېدونكي پاكستان د تقاضو له مخې د خپل ځان جوړولو هڅه وكړي۔ د ګل په ورځ د پارلماني چارو د وزارت ذمه وارې پغاړه د اخستلو نه پس د وزارت عملې سره په خبرو كښې ده ووئيل چې الله تعالٰي ده ته يو ځل بيا اووه كاله پس د اولس د خدمت كولو موقع وركړې٬ اوس يو بدل شوے دور دے۔ هيله لرم چې ما سره كومه ډله وي هغه به د دې دور د تقاضو له مخې د خپل ځان جوړولو هڅه وكړي۔ ده ووئيل چې بهتره به دا وي چې مونږ خپل ځان بدل كړو۔ ده اعلان وكړو چې د پارلماني چارو په وزارت كښې زه خپل صوابديدي اختيارات ختموم او په دې لړ كښې به ډېر زر نوټېفيكېشن جاري كړے شي۔ ده ووئيل چې مونږ كفايت شعاري كول غواړو او په دې لړ كښې د ډاكټر عشرت حسېن په مشرې كښې ټاسك فورس جوړ كړے شوے۔ ده ووئيل چې د دعا وكړي چې الله مونږ ته په نېكو جذبو او مقاصدو كښې كاميابي رانصيب كړي۔ ده د وزارت عملې ته هدايت وكړو چې كفايت شعاري خپل شعار جوړ كړي او د برېښنا بچت لپاره د ائير كنډيشن چلولو د وخت پرېكړه دې وكړي٬ هم دا خبره د پاكستان ستر قاضي هم كړې۔ مونږ غواړو چې دلته كومه برېښنا بچت شي٬ هغه د اولس په كار راشي۔ د دې څخه وړاندې د پارلماني چارو وزارت ته په رسېدو د پارلماني چارو سېكتر طاهر رضا نقوي او د وزارت نورو افسرانو او عملې د وزيراعظم د پارلماني چارو د سلاكار ډاكټر بابر اعوان هركلې وكړو۔ د پارلماني چارو سېكتر د پارلماني چارو سلاكار ته د وزارت د كاكردګۍ په اړه بريفنګ وركړو
