اسلام آباد 06 اګست (اے پي پي) د پاکستان تحریك انصاف وائس چیئرمېن شاہ محمود قرېشي وئيلي دي د پي ټي آئي پارلماني پارټۍ په يوه خله عمران خان پارلماني لارښود نامزد كړې او عمران خان به زمونږ د وزیراعظم كانديد هم وي۔ د ګل په ورځ ځائي هوټل كلښې د پي ټي آئي وياند فواد چوهدري او سناتور فېصل جاوېد سره ميډيا سره په خبرو كښې شاہ محمود قرېشي ووئيل نن د تحريك انصاف د پارلماني پارټۍ وړومبۍ رسمي غونډه شوې چې پكښې د ګوند چيئرمېن عمران خان نوې ټاكلې شوو غړو له مباركي وركړې۔ ده ووئيل پي ټي آئي ھغه ګوند دے په كوم چې هر ډول ټكونه كېدل خو نن د پارلمان د ټولو نه لوي ګوند دے او د وفاقي ګوند په توګه رامخې ته شوې چې نمائندګي ئې په پنجاب ٫ سندھ٬ بلوچستان او خېبرپښتونخوا او فاټا كښې هم ده ۔ ده ووئيل ما ته دا اعزاز ترلاسه شو چا ما عمران خان د پارلماني لارښود په توګه د نومېدو قرارداد وړاندې كړې او پارلماني پارټۍ په يوه خله منظور كړې، ده ووئيل د آزادو غړو د شاملېدو نه پس د شمېرو په لحاظ زمونږ قوت زيات شوې ٬ پيپلز ګوند او مسلم ليګ ( ن) تر پرونه مشت او ګرېوان ٶ او اوس يو موټې شوې ۔ ده ووئيل عمران خان وئيلي زيات چېلنجونه هم شته او مونږ له به د يوالي څرګندونه كول وي۔ ده ووئيل د كومو ګوندونو چې سوچ كښې مطابقت نشته ھغه ګوندونه مخالفې ډلې له يو موټې شوې ۔
