اسلام آباد 05 مئي (اے پي پي) د منصوبه بندې كميسون وئيلي دي چې په اوسني دور كښې په پاكستان كښې په مېرمنو كښې د بې روزګارې شرح كمه شوې خو لا هم په دې كښې د بهترې راوستلو هڅو ته ضرورت دے۔ د منصوبه بندې كميسون له مخې په تعليم٬ روغتيا٬ مناسب كار او په سياسي او اقتصادي فېصله سازې كښې د مېرمنو ګډون معيشت او ټولنې لپاره ضروري دے۔ په كال 2015م كښې د ملګرو ملتونو د پرمختيائي ادارې د هيومن ډويلپمنټ راپور له مخې په جېنډر ډويلپمنټ كښې پاكستان په 155 هېوادونو كښې په 121 نمبر و۔ خو د ډاډ وړ اشارې دا دي چې وخت سره سره په لېبر ماركيټ كښې د مېرمنو ګډون مخ په زياتېدو دے او د تېرو 15 كلونو په مهال په دې كښې د پنځوس فيصدو نه زياته اضافه شوې۔
