اسلام آباد-13نومبر (اي پي پي) اسلام آباد ۽ خيبر پختونخوا جي مختلف علائقن ۾ زلزلي جا لوڏا محسوس ڪيا ويا. زلزلي جي ماپ ڪندڙ اداري موجب ريڪٽر اسڪيل تي زلزلي جي شدت 5.2 ريڪاڊ ڪئي وئي. زلزلي جو مرڪز افغانستان جي هندو ڪش ريجن ۾ زمين ۾ 220 ڪلو ميٽرن جي گهرائي ۾ هو. زلزلي جا لوڏا اسلام آباد ۽ ان جي پسگردائي ۽ ڪي پي ڪي ۾ سوات، لوئر دير، صوابي، مانسهره سميت ٻين علائقن ۾ محسوس ڪيا ويا. زلزلي کان پوءِ ماڻهن ڪلمه طيب جو ورد شرو ع ڪيو ۽ ڪيترائي ماڻهو گهرن مان ٻاهر نڪري آيا. زلزلي کان پوءِ ڪنهن به قسم جي جاني يا مالي نقصان جا اطلاع نه مليا آهن .
