اسلام آباد – 12 – آڪٽوبر (اي پي پي) صدر ڊاڪٽر عارف علوي شهيدن کي ملڪ خاطر شهادت ماڻڻ تي خراج عقيدت پيش ڪيو آهي. ايوان صدر جي پريس ونگ پاران جاري بيان موجب صدر ڪُرم ۽ زوب ۾ شهيد ٿيندڙ پاڪ فوج جي جوانن جي پونئيرن سان ٽيليفون تي تعزيت جو اظهار ڪيو. صدر 29 ڊسمبر تي شڪار تنگي پوسٽ ڪُرم تي حملي ۾ شهيد ٿيندڙ لانس نائيڪ غيرت خان جي وارثن سان ڳالهه ٻولهه ڪئي. صدر ڊاڪٽر عارف علوي 28 سيپٽمبر تي زوب بلوچستان ۾ دهشتگرد حملي ۾ شهيد ٿيندڙ سپاهي نديم خان جي پونئيرن سان به تعزيت جو اظهار ڪيو. صدر شهيدن کي ملڪ خاطر شهادت ماڻڻ تي خراج عقيدت پيش ڪيو. صدر شهيدن کي سلام پيش ڪيو ۽ انهن جي درجن جي بلندي لاءِ دعا ڪئي. صدر شهيدن جي خاندانن سان همدرديءَ جو اظهار ڪيو ۽ صبر جميل جي دعا ڪئي.
