اسلام آباد ۔ 24 مئی (اے پی پی) مسلم لیگ (ن) دے رہنما دانیال عزیز آکھیا ہے جو مسلم لیگ (ن) احتساب تے یقین رکھنڑ آلی جماعت ہے۔ سپریم کورٹ روانگی توں پہلے اسلام آباد اچ میڈیا نال گالھ مہاڑ کریندے ہوئیں انہاں آکھیا جوپی ٹی آئی ایں گالھ دا دعوی کریندی ہے جو ایندے کول بنی گالہ دے گھر دی منی ٹریل موجود ہے تاں جو عدالت اچ جمع کرائی گی منی ٹریل 29 نومبر 2016ءکوں عدالت اچ پیش کیتی ونجنڑ آلی منی ٹریل توں مختلف ہے۔ انھاں آکھیا جو پی ٹی آئی توں جمائمہ ولوں راشد خان کوں ڈتی ونجنڑ آلی رقم دی منی ٹریل پچھی گی ہے ۔ دانیال عزیز آکھیا جو عمران خان دھرنے دے دوران ملکی اداریں تے حملے دے الزام اچ پولیس کوں مطلوب ہن ۔ انھاں آکھیا جوعمران خان دے مزید کوڑ سامنڑے آندے پے ہن ۔ دانیال عزیز آکھیا جو مسلم لیگ (ن) احتساب تے یقین رکھنڑ آلی جماعت ہے ،عمران خان وزیراعظم محمد نواز شریف اتے مریم نواز کوں پاناما پیپرزاچ شامل کرنڑ دی ناکام کوشش کیتی ہے ۔
