ننكانه صاحب 05 جنوري (اے پي پي) د كورنيو چارو وفاقي وزير برېګيډئر ﴿ر﴾ اعجاز احمد شاه وئيلي دي چې په پاكستان كښې د اقليتونو پشمول د ټولو په ورورولې سره اوسېدل مثالي دي، غېر رياستي عناصر د ورورولې فضا خرابول غواړي، د ورورولې په ضد سوچ كوونكي د هېواد او قوم دښمنان دي.ده دا خبرې د اتوار په ورځ په خپله مشرې كښې د ډپټي كمشنر په چېمبر كښې د امن كمېټې په اړه د جاج اخيستنې غونډې ته په خپله وېنا كښې وكړې. په دې موقع صوبائي وزير ميا محمود الرشيد، د ننكانه ډپټي كمشنر راجه منصور احمد، ډي پي او اسماعيل الرحمان او نور چارواكي هم موجود وو. په دې موقع ډپټي كمشنر راجه منصور احمد وفاقي وزير د ټولې ضلعې د امن كمېټې غړو سره د شوې مشورې په اړه خبر كړو. په دې موقع وفاقي وزير ووئيل چې په پاكستان كښې د اقليتونو پشمول د ټولو په ورورولې سره اوسېدل مثالي دي، غېر رياستي عناصر د ورورولې فضا خرابول غواړي، د ورورولې په ضد سوچ كوونكي د هېواد او قوم دښمنان دي.
