نئين دهلي – 10 آڪٽوبر (اي پي پي ) ڀارت ۽ نيوزيلينڊ جي ڪرڪيٽ ٽيمن وچ ۾ ٽن ٽيسٽ ميچن جي سيريز جي پهرين ميچ 16 کان 20 سيپٽمبر تائين ايم چنا سوامي اسٽيڊيم، بينگلور ۾ کيڏي ويندي .نيوزيلينڊ جي ٽيم پنهنجي ڀارت جي دوري دوران ميزبان ٽيم خلاف 3 ٽيسٽ ميچن جي سيريز کيڏندي. ڀارت ۽ نيوزيلينڊ جي ٽيمن وچ ۾ ٽن ٽيسٽ ميچن جي سيريز جي شروعات 16 آڪٽوبر تي پهرين ميچ سان ٿيندي . اها ميچ ايم چنا سوامي اسٽيڊيم، بينگلور ۾ کيڏي ويندي، ٻي ٽيسٽ ميچ 24 آڪٽوبر کان 28 آڪٽوبر تائين مهاراشٽر ڪرڪيٽ ايسوسي ايشن اسٽيڊيم، پوني ۾ کيڏي ويندي . جڏهن ته ٽئين ۽ آخري ٽيسٽ ميچ پهرين نومبر کان 5 نومبر تائين وانکنڊي اسٽيڊي، ممبئي ۾ کيڏي ويندي. نيوزيلينڊ ڪرڪيٽ ٽيم جو اڳوڻو ڪپتان ۽ مشهور بيٽسمين ڪين وليم سن ڀارت جي دوري کان اڳ انجري جو شڪار ٿي ويو هو. نيوزيلينڊ ڪرڪيٽ (اين زيڊ سي ) مطابق 34 سالن جو ڪين وليمسن گروئن انجري جو شڪار ٿي ويو آهي جنهن سبب ڪين وليمسن جي ڀارت روانگي ۾ دير آهي ۽ سندس جڳهه تي مارڪ چيپسمين کي اسڪواڊ ۾ شامل ڪيو ويو آهي.
