اسلام آباد۔9اکتوبر(اے ??ی پی)وفاقی کابینہ پاکستان اتے سعودی عرب وچال سانجھے سٹریٹجک دفاعی معاہدے دی توثیق کرݙتی۔ وزیراعظم محمد شہباز شریف دی صدارت اچ وفاقی کابینہ دا اجلاس وزیراعظم ہاؤس اچ تھیا۔ وزیراعظم محمد شہباز شریف وفاقی کابینہ کوں سعودی عرب، قطر، اقوام متحدہ جنرل اسمبلی اتے ملائیش??ا دے سرکاری دوریں دے حوالے نال تفصیلی آگاہ کیتا۔ وفاقی کابینہ پاکستان اتے سعودی عرب وچال تھیوݨ آلے سانجھے سٹریٹجک دفاعی معاہدے دی توثیق کرݙتی۔ ایں موقع تے کابینہ ارکان پاکستان اتے سعودی عرب دی قیادت کوں خراج تحسین پیش کیتا۔وفاقی کابینہ وزارت قومی غذائی تحفظ و تحقیق دی سفارش تے محکمہ پلانٹ پروٹیکشن دے 15 اُݙݨ دے قابل نہ ہووݨ آلے ہوائی جہازاں (8 سیسنا اتے 7 فلیچر) کوں تعلیمی، یادگاری یا نمائش دے مقصد کیتے مختلف اداریں کوں عطیہ کرݨ دی منظوری ݙتی، ادارے دے استعمال اچ باقی 4 اُݙݨ دے قابل بیور ہوائی جہاز ٹِڈی دل دے خلاف کارروائیاں کیتے محکمہ پلانٹ پروٹیکشن دے استعمال اچ رہسن۔ یاد رہے جو ایں توں پہلے انہاں ہوائی جہازاں دی نیلامی دے سابقہ اقدامات کامیاب نہ تھی سڳیے ہن جیں دے بعد انہاں ہوائی جہازاں دے حوالے نال اے اقدام چاتا ڳئے۔وفاقی کابینہ وزارت آبی وسائل دی سفارش تے واپڈا دے زیرانتظام اہم ڈیماں اتے ہائیڈرو پاور منصوبیں دی حفاظت کیتے خصوصی سکیورٹی ف??رس دے قیام کیتے “واپڈا سکیورٹی ف??رس ایکٹ 2025” دی قانون سازی دی اصولی منظوری ݙتی۔ وفاقی کابینہ اقتصادی رابطہ کمیٹی (ای سی سی) دے 2 اکتوبر 2025ء دے اجلاس اچ کیتے ڳئے فیصلیں دی توثیق کرݙتی۔ وفاقی کابینہ کابینہ کمیٹی لیجسلیٹو کیسز دے 22 ستمبر 2025ء کوں تھیوݨ آلے اجلاس اچ کیتے ڳئے فیصلیں دی توثیق کر ݙتی، پر آلٹرنیٹ میڈیسنز اینڈ ہیلتھ پراڈکٹس اینلسٹمنٹ رولز 2014 (Alternate Medicines and Health Products Enlistment Rules-2014) اچ مجوزہ ترمیم تے خصوصی کابینہ کمیٹی غور کریسی
.jpg)
.jpg)
