اسلام آباد۔10ستمبر (اے پی پی) چیئرمین سینیٹ سید یوسف رضا گیلانی آکھیے جو نویں نسل کوں سیرت النبی ﷺ نال روشناس کراوݨ ویلھے دی اہم لوڑھ اے، عدل، مساوات اتے اخوت تے مبنی ن??ام ہی ہک خوشحال معاشرے دی ضمانت اے۔ انہاں اے ڳالھ جناح کنونشن سینٹر اچ دعوت اسلامی دے زیر اہتمام تھیوݨ آلی میلاد کانفرنس دی پروقار تقریب اچ مہمان خصوصی دی حیثیت نال خطاب کریندے آکھی ۔ ایں موقع تے انہاں امت مسلمہ کوں عید میلاد النبی ﷺ دی مبارخ ݙیندے آکھیے جو نبی کریم ﷺ دی ولادت پوری انسانیت کیتے رحمت، برکت اتے نجات دا پیغام اے۔ چیئرمین سینیٹ آکھیے جو امت مسلمہ دے مسئلیں دا حقیقی اتے دیرپا حل صرف اتے صرف سیرت طیبہ ﷺ تے عمل پیرا تھیوݨ اچ اے۔ میلاد النبی ﷺ دا پیغام اتحاد، ب??رپی ، مساوات اتے امن دا اے جئیں تے عمل کرتے اساں ہک پرامن اتے خوشحال معاشرے دی بنیاد رکھ سڳدوں ۔ انہاں آکھیے جو اساں آپݨی انفرادی و اجتماعی زندگی کوں نبی اکرم ﷺ دی سیرت موجب ڈھال سڳدوں ، میلاد النبی ﷺ دے موقع تے اساں کوں غریباں، یتیم تے مستحق لوکاں کوں ضرور یاد رکھݨا ہوسی اتے معاشرتی انصاف اتے ہمدردی دا عملی مظاہرہ کیتا ونڄ سڳے۔ چیئرمین سینیٹ آکھیے جو نویں نسل کوں سیرت النبی ﷺ نال روشناس کراوݨ ویلھے دی اہم لوڑھ اے کیوں جو ا?? اوہو رستہ اے جیڑھا اساں کوں دنیا و آخرت دی کامیابی ݙیسی ۔ انہاں آکھیے جو عدل، مساوات اتے اخوت تے مبنی ن??ام ای ہک خوشحال معاشرے دی ضمانت اے۔ سید یوسف رضا گیلانی دعا کیتی جو اللہ تبارک و تعالیٰ پاکستان کوں امن و خوشحالی دا گہوارہ بݨا ݙیوے۔ انہاں میلاد النبی ﷺ کانفرنس دے شاندار انعقاد تے دعوت اسلامی دی انتظامیہ کوں مبارخ وی ݙتی اتے آکھیے جو ا??ویں دینی اجتماعات اساݙے ایمان کوں تازگی ݙیندن اتے اساں کوں حضور اکرم ﷺ دیاں تعلیمات تے عمل پیرا تھیوݨ تے راغب کریندن۔
