اسلام آباد ۔ 14 مئی (اے پی پی) وزارت تعلیم تے پیشہ وارانہ تربیت مدرسیاں دی رجسٹریشن سانگے ضروری اقدامات شروع کر ڈتے ہن۔ منگل کوں وزارت تعلیم دے حکام ”اے پی پی“ کو ں ڈسایا جو مدرسیاں دی رجسٹریشن سانگے سارے ملک اچ 10 ڈائریکٹوریٹ بنڑائے ویسن جڈاں جو وفاقی دارالحکومت دا ڈائریکٹوریٹ سارے عمل دی نگرانی کریسی۔ ہر صوبہ اچ ڈو رجسٹریشن مرکز بنڑائے ویسن ،ہک، ہک مرکز آزاد جموں تے کشمیر اتے گلگت بلتستان اچ بنڑایا ویسی۔ مدرسیاں تے انہاں دے بورڈز کوں آندے ہفتے تئیں وزارت مذہبی امور توں وزارت تعلیم کو ں منتقل کر ڈات ویسی،تاں جو مدرسیاں دے چیئرمین بورڈ دی منتقلی قنونی طریقہ کار مطابق ممکن بنڑائی ویسی ۔ حکام ڈسایا جو ایں منصوبہ سانگے فنڈز بجٹ 2019-20ءدے بعد سپلیمنٹری گرانٹ اچ منگے ویسن۔ تریخ اچ پہلی واری وزارت تعلیم اتے وزارت مذہبی امور رل مل تے مدرسیاں سانگے ہک جامع پالیسی تیار کیتی ہے جیندے تے عملدرآمد شروع کر ڈتا گئے ۔
