اسلام آباد۔17ستمبر (اے پی پی) وفاقی وزیر تجارت جام کمال خان آپݨے اڄوکے دورہ ایران دے دوران بدھ کوں ݙوہیں ملکاں وچال تجارت دے فروغ کیتے 17 معاہدیں اتے پروٹوکولز تے دستخط کیتے، معاہدے اتے پروٹوکولز پاکستان ایران مشترکہ اقتصادی کمیشن دے 22 ویں اجلاس دے موقع تے کیتے ڳئے۔ اجلاس دی سانجھی صدارت وفاقی وزیر تجارت جام کمال خان اتے ایران دی وزیر برائے سڑکاں و شہری ترقی فرزانہ صادق کیتی۔ مشترکہ اقتصادی کمیشن دے اجلاس اچ ݙوہیں ملکاں 17 معاہدیں اتے پروٹوکولز تے دستخط کیتے جنہاں اچ فعال سرحدی منڈیاں د?? قیام، صحت، ثقافت اتے ویزہ اچ آسانی، ٹیرف، سڑکاں اتے ریلوے رابطیاں سمیت میڈیا تعاون دے فروغ کیتے پروٹوکولز تے دستخط کیتے ڳئے۔ ایں توں علاوہ حیوانی تے نباتاتی کیڑیاں دے خاتمے تے سانجھے تعاون، معدنیات، توانائی دی فراہمی اتے میری ٹائم سروسز اچ تعاون دے معاہدیاں تے وی دستخط کیتے ڳئے۔ مشترکہ اقتصادی کمیشن اتے پاکستان ایران بزنس ف??رم اچ ݙوہیں ملکاں دی کاروباری برادری دی بھرپور شرکت کوں وفاقی وزیر سراہیا۔ جام کمال اڳوں مشترکہ اقتصادی کمیشن دا اجلاس اسلام آباد اچ منعقد کرݨ دی دعوت وی ݙتی۔ وفاقی وزیر پاک ایران اقتصادی تعاون کوں خوش آئند قرار ݙتا۔ اجلاس اچ وزراء ݙوہیں ملکاں دے تعلقات کوں نویں بلندیاں تئیں گھن ونجݨ دے وعدے دا اظہار وی کیتا۔ وفاقی وزیر تجارت جام کمال خان آکھیا جو پاک ایران معاہدے خطے اچ اقتصادی و تجارتی سرگرمیاں کوں فروغ ݙیسن اتے ݙوہیں ملکاں دے عوام دے معیار زندگی دی بہتری اچ وی مدد ملسی۔ انہاں آکھیا جو ایران دے نال اساݙے وݙے تعلقات ہن اتے ویلھے دے نال نال ٻئے مضبوط تھیندے پئن۔
