ملګري ملتونه 22 ستمبر (اے پي پي) وزيراعظم شاهد خاقان عباسي وئيلي دي چې د غربت٬ ناروغې٬ ماحولياتي بدلون٬ د اټومي خپرونې٬ ترهګرې او د جبري بې دخلې مسئلو حل لپاره نړيواله مرسته ضروري ده۔ د ملګرو ملتونو عمومي اسمبلې ته په خپله وېنا كښې وزيراعظم ووئيل چې پاكستان د ملګرو ملتونو د عمومي سېكتر لخوا په امن٬ سلامتيا٬ پرمختګ او انتظام كښې د ملګرو ملتونو د اهليت قوي كولو د هڅو هركلې كوي۔ ده ووئيل چې مونږ هغو اصلاحاتو ته هم عزم لرو د كومو د لارې چې د سلامتي كونسل نمائندګي زياته شي٬ جمهوري شي او ځواب وركوونكې شي٬ چې دغسې دا يوازې د طاقت لرونكو هېوادونو كلب جوړ نه شي۔
