اسلام آباد 20 اپرېل (اے پي پي) د زورول كېدو مخ نيوي په اړه وفاقي محتسبې كشماله طارق وئيلي دي چې حكومت په سركاري او نجي ادارو كښې كار كوونكو ته د عزت او وقار ماحول وركولو لپاره هڅې كوي٬ چا ته به هم د ملازمينو يا ورسره د كار كوونكو زورولو اجازه ورنه كړې شي٬ هر يو تن په صفا او د ظلم او امتياز نه پاك ماحول كښې عزت نفس سره د كار كولو پوره حق لري۔ هغې دا خبرې طارق د اېف پي سي سي آئي لنډ مهاله صدر سيد مظهر علي ناصر د خبرو كولو په مهال وكړې۔ په دې موقع د اسلام آباد چېمبر صدر عامر وحيد٬ د اېف پي سي سي آئي پخوانې صدر ملك زبېر٬ د وفاقي چېمبر چيئرمېن كوآرډينېشن ملك سهېل او نور هم موجود وو۔ كشماله طارق ووئيل چې منفي رويه نه يوازې خلقو لپاره د تباهې وړ ده بلكې دې سره ادارو ته هم زيان رسي ځكه چې ملازمين خپل ځان غېر محفوظ او زياتي سره مخ ګڼي او دې سره د دوي په كاركردګې بد آغېز كېږي۔ په دې موقع كشماله طارق او سيد مظهر علي ناصر د تفاهم د يو يادښت په لاسليك كولو اتفاق وكړو چې له مخې به ئې په كراچې٬ لاهور ا و اسلام آباد كښې سېمينارونه كولې شي۔ په دې موقع ملك سهېل حسېن ووئيل چې په ګڼ شمېر نجي او سركاري ادارو كښې د ملازمينو د زورولو پېښې رامېنځ ته كېږي خو راپور كولې نه شي۔ ټولو ادارو ته په خپلو ملازمينو كښې د منفي رويې ختمولو لپاره اقداماتو ته ضرورت دے۔
