لندن 19 اپرېل (اے پي پي) وزيراعظم شاهد خاقان عباسي د دولت مشتركه نورو مشرانو سره د زيارت په ورځ د برتانيې وزيراعظمې تهريسامې لخوا جوړې شوې د هركلي په دستوره كښې ګډون وكړو۔ دا دستوره د لندن په سېنټ جېمز محل كښې وشوه۔ په دې موقع د دولت مشتركه عمومي سېكتره پېټريشيا سكاټ لېنډ هم تهريسامې سره وه۔ د دستورې نه پس ټول مشران اېګزېكټو سېشنز لپارهه لنكاسټر هاؤس ته لاړل۔ د دولت مشتركه د مشرانو د 25مې غونډې موضوع په ګډه د شريك سباؤن په پلو ده۔ شاهد خاقان عباسي په غونډه كښې په اېګزېكټو سېشنز او ريټريټس كښې هم ګډون كوي۔ په لنكاسټر هاؤس كښې په اېګزېكټو سيشنز كښې به د دولت مشتركه هېوادونو په غوره سباؤن خبرې كېږي۔ د وزيراعظم لخوا ګډون كولو سره به په پاكستان كښې د شته موقعو په ډاګه كولو كښې مرسته وشي
